Իրականություն դարձնել երազանքները. Արմինե Աֆեյանը ընդգրկվել է GOALS-ի տնօրենների խորհրդի կազմում

Մեր մեծ պատիվն է ներկայացնել Արմինե Աֆեյանին՝ որպես GOALS-ի խորհրդի նոր անդամ։ Արմինեն իր հետ բերում է մեծ փորձ, առաջնորդության հմտություններ և խոր նվիրում մեր առաքելությանը՝ ուժեղացնել աղջիկներին սպորտի միջոցով։

Արմինե Աֆեյանը հանդիսանում է «Ավրորա» մարդասիրական նախաձեռնության գործադիր տնօրենը՝ կազմակերպություն, որը նպատակ ունի աջակցել հումանիտար ճգնաժամերից տուժած մարդկանց և բերել դրական փոփոխություններ ամբողջ աշխարհում։ Որպես Յեյլի համալսարանի արհեստավարժ թիավարուհի՝ Արմինեն նաև ներկայացրել է Հայաստանը 2011 թ․ Ամստերդամում կայացած Մինչև 23 տարեկանների աշխարհի թիավարության առաջնությունում (W1X դասում)։ Մեծ ոգևորությամբ ենք ողջունում նրա տեսլականն ու փորձառությունը մեր խորհրդում՝ շարունակելու ոգեշնչել և հզորացնել Հայաստանի նոր սերնդի մարզուհիներին։

Մենք նաև հպարտությամբ նշում ենք Աֆեյանների ընտանիքի հիմնադրամի կողմից կատարված ներդրումը։ Նրանց աջակցությունը կօգնի մեզ շարունակել մեր աշխատանքը՝ օգտագործելով սպորտի ուժը՝ կյանքեր փոխելու համար։

Սկսելով այս նոր գլուխը՝ մենք խորապես շնորհակալ ենք Արմինե Աֆեյանին և Աֆեյանների ընտանիքին՝ GOALS-ի հանդեպ իրենց անգնահատելի աջակցության և նվիրվածության համար։